दक्षिण सोलापूर पंचायत समितीचे पदविस्तार अधिकारी संदिप खरबस दोन हजारांची लाच घेताना ACB च्या सापळ्यात रंगेहात
सोलापूर, प्रतिनिधी :
लाचलुचपत प्रतिबंधक विभागाच्या (ACB) सोलापूर पथकाने मोठी कारवाई करत दक्षिण सोलापूर पंचायत समितीचे पदविस्तार अधिकारी संदिप सुधाकर खरबस यांना दोन हजार रुपयांची लाच स्वीकारताना रंगेहात पकडले. ही कारवाई दि. ३० ऑक्टोबर २०२५ रोजी जिल्हा परिषद कार्यालय, सोलापूर येथे करण्यात आली.
—
🔍 प्रकरणाचा तपशील :
मौजे येळेगाव, ता. दक्षिण सोलापूर येथे शासनाच्या १९व्या वित्त आयोगांतर्गत सिमेंट काँक्रीट रस्त्याचे काम पूर्ण झाले होते. संबंधित तक्रारदाराने कामाचे ₹१,००,०००/- रुपयांचे बिल मूल्यांकन प्रमाणपत्रासह पंचायत समितीकडे मंजुरीसाठी सादर केले होते.
या प्रस्तावासंदर्भात पाठपुरावा करत असताना पदविस्तार अधिकारी श्री. संदिप खरबस यांनी बिलाच्या मंजुरीसाठी व ग्रामपंचायतीच्या खात्यातून निधी काढण्याची परवानगी देण्यासाठी स्वतःसाठी ₹२,०००/- लाचेची मागणी केली.
—
🕵️♂️ सापळा कारवाईचा तपशील :
तक्रारदाराने लाच मागणीची तक्रार A.C.B. सोलापूर येथे दिल्यानंतर पथकाने पडताळणी कारवाई केली. पडताळणीत लाच मागणी खरी ठरली.
त्यानंतर दि. ३० ऑक्टोबर २०२५ रोजी सापळा रचून संदिप खरबस यांनी तक्रारदाराकडून ₹२,०००/- स्वीकारताच त्यांना जिल्हा परिषद कार्यालयातच रंगेहात पकडण्यात आले.
सदर गुन्हा भ्रष्टाचार प्रतिबंध अधिनियम १९८८ चे कलम ७ अंतर्गत सदर बाजार पोलीस ठाणे, सोलापूर शहर येथे नोंदविण्यात आला आहे.
—
👮♂️ अधिकाऱ्यांचे नेतृत्व आणि सहभाग :
ही कारवाई पोलीस उपअधीक्षक प्रशांत चौगुले यांच्या मार्गदर्शनाखाली
शैलेश पवार (निरीक्षक), अतुल घाडगे, स्वामीराव जाधव, सलीम मुल्ला यांच्या पथकाने केली.
तपासाची जबाबदारी निरीक्षक रविंद्र लांमाते यांच्याकडे देण्यात आली आहे.
या संपूर्ण कारवाईचे मार्गदर्शन
शिरीष सरदेशपांडे (पोलीस अधीक्षक, ACB पुणे परिक्षेत्र),
अजीत पाटील (अपर पोलीस अधीक्षक) आणि
अर्जुन भोसले (अपर पोलीस अधीक्षक, पुणे) यांनी केले.
—
📞 नागरिकांसाठी आवाहन :
कोणताही शासकीय अधिकारी किंवा कर्मचारी कायदेशीर शुल्काव्यतिरिक्त लाच मागत असल्यास, तात्काळ ACB शी संपर्क साधावा.
📞 ACB सोलापूर कार्यालय : ०२१७-२३१२६६८
📱 व्हॉट्सअॅप क्रमांक : ९४०४००१०६४
📧 ईमेल : dyspacbsolapur@gmail.com
🌐 वेबसाइट : www.acbmaharashtra.gov.in
📲 ऑनलाईन तक्रार अॅप : www.acbmaharashtra.net.in
—
“भ्रष्टाचाराविरुद्ध प्रत्येक नागरिकाने आवाज उठवला, तर स्वच्छ प्रशासन शक्य आहे.
