लाडकी बहीण’ योजनेचा गैरफायदा घेणाऱ्या बोगस लाभार्थ्यांवर सरकारची कारवाई
मुंबई :
राज्य सरकारची गेमचेंजर ठरलेली ‘मुख्यमंत्री माझी लाडकी बहीण योजना’ पुन्हा एकदा चर्चेत आली आहे. मात्र यावेळी कारण आहे – या योजनेचा गैरफायदा घेणाऱ्या बोगस लाभार्थ्यांवर सरकारने उगारलेला कारवाईचा बडगा.
रक्षाबंधनाच्या दिवशीच उपमुख्यमंत्री देवेंद्र फडणवीस यांनी योजनेतील गैरप्रकारांवर कारवाई होणार असल्याचे स्पष्ट केले होते. त्यानुसार सरकारने आता नोकरदार महिलांचे पगार थांबवण्याचा निर्णय घेतला आहे. एवढेच नव्हे तर बेकायदेशीर लाभ घेतलेल्या रकमेची सरकारकडून वसुली करण्यात येणार आहे.
ग्रामविकास विभागाने हालचाली सुरू केल्या असून, दोषी ठरलेल्या महिला कर्मचाऱ्यांची वेतनवाढ व पदोन्नती रोखण्याची शक्यता व्यक्त केली जात आहे.
—
ठळक मुद्दे :
बोगस लाभार्थ्यांवर कठोर कारवाई
पगार थांबवण्याचा सरकारचा निर्णय
घेतलेला बेकायदेशीर लाभ परत वसूल होणार
वेतनवाढ व पदोन्नती रोखण्याची शक्यता
