🚨 राज्यात मोठी पोलीस भरती : तब्बल 15,631 पदांसाठी संधी

:

—

🚨 राज्यात मोठी पोलीस भरती : तब्बल 15,631 पदांसाठी संधी

मुंबई :

महाराष्ट्र शासनाने राज्यातील पोलीस दल व कारागृह विभागातील एकूण 15,631 पदे भरण्याला हिरवा कंदील दिला आहे. 20 ऑगस्ट 2025 रोजी गृह विभागामार्फत काढण्यात आलेल्या शासन निर्णयानुसार ही भरती प्रक्रिया लवकरच राबवली जाणार आहे.

📌 कोणत्या पदांसाठी भरती?

पोलीस शिपाई – 12,399

पोलीस शिपाई चालक – 234

बॅण्डस्मन – 25

सशस्त्र पोलीस शिपाई – 2,393

कारागृह शिपाई – 580

➡️ एकूण पदे : 15,631

🗓️ रिक्त पदांचा कालावधी

ही भरती 1 जानेवारी 2024 ते 31 डिसेंबर 2025 या दरम्यान रिक्त झालेल्या पदांसाठी होणार आहे.

✅ भरती प्रक्रियेतील महत्त्वाचे निर्णय

भरती OMR आधारित लेखी परीक्षेद्वारे होणार.

खुल्या प्रवर्गासाठी रु. 450/-, तर मागास प्रवर्गासाठी रु. 350/- परीक्षा शुल्क आकारले जाणार.

2022 व 2023 मध्ये वयोमर्यादा ओलांडलेले उमेदवार एकदाच अर्ज करण्यास पात्र राहतील.

अर्ज स्वीकृती व छाननीसाठी बाह्य सेवापुरवठादार कंपनीची निवड होणार.

परीक्षेसंदर्भातील सर्व जबाबदारी पोलीस महासंचालक, महाराष्ट्र राज्य यांच्यावर सोपवण्यात आली आहे.

🏛️ शासनाचा निर्णय

कायद्याच्या व सुव्यवस्थेच्या दृष्टीने पोलीस शिपाई संवर्गातील पदे तातडीने भरण्याची गरज असल्याने, या पदांची 100 टक्के भरती करण्याचा निर्णय मंत्रिमंडळ बैठकीत घेण्यात आला.

—

👉 इच्छुक उमेदवारांनी भरतीसंदर्भातील सर्व तपशील व वेळापत्रकासाठी महाराष्ट्र शासनाच्या अधिकृत संकेतस्थळावर लक्ष ठेवावे.