🌍 जागतिक मानवाधिकार दिन : माणुसकीचा मूलमंत्र पुन्हा अधोरेखित!

🌍 जागतिक मानवाधिकार दिन : माणुसकीचा मूलमंत्र पुन्हा अधोरेखित!

RTI Human Rights Activist Association कडून सर्वांना हार्दिक शुभेच्छा 🌹

10 डिसेंबर :

आज जगभरात ७७वा जागतिक मानवाधिकार दिन उत्साहात साजरा होत आहे. मानवाला भेदभावाविना, स्वाभिमानाने जगण्याचा अधिकार देणाऱ्या या दिवसाचे महत्व कालानुरूप अधिकच वाढत आहे. नागरिकांच्या मूलभूत हक्कांचे रक्षण व संवर्धन करण्याच्या उद्देशाने १९४८ पासून हा दिवस जागतिक स्तरावर पाळला जातो.

पूर्वीच्या काळात राजसत्तेकडून सामान्य जनतेवर होणाऱ्या अन्याय–छळाला थारा नसावा, मानवाला त्याच्या हक्काचा न्याय मिळावा, यासाठीच मानवाधिकार संकल्पनेचा जन्म झाला. जात, धर्म, वर्ण, भाषा, पंथ या आधारांवर व्यक्तीची होत असलेली पायमल्ली थांबवण्यासाठी मानवी हक्कांची पहिली सनद तयार करण्यात आली.

भारताने १९९३ मध्ये मानवी हक्क संरक्षण कायदा लागू करून या लढ्याला कायदेशीर बळ दिले. तरीही आजही समाजात अनेक पातळ्यांवर मानवाधिकारांचे उल्लंघन उघडपणे दिसून येते, ही वस्तुस्थिती नाकारता येत नाही.

नागरिकांना जीवन, स्वातंत्र्य, विचार–अभिव्यक्तीची मोकळीक, धर्मस्वातंत्र्य, न्यायालयीन संरक्षण, सामाजिक व नैसर्गिक हक्क अशी अनेक हक्कांची देणगी घटना आणि निसर्गाने दिली असली, तरी या हक्कांचा प्रत्यक्षात किती आदर राखला जातो, हाच प्रश्न आजही अनुत्तरित आहे.

मानवाधिकार रक्षणासाठी असंख्य संघटना उभ्या राहिल्या आहेत; मात्र या संघटना खऱ्या अर्थाने पीडितांच्या बाजूने किती झगडतात, हाही आजच्या दिवशी उपस्थित होणारा मुद्दा आहे. प्रत्येकजण “आमच्या हक्कावर गदा येतेय” असे सांगत असताना, संपूर्ण समाजाच्या हक्काबाबतची संवेदना मात्र क्षीण होत चालल्याचे वास्तव चिंताजनक आहे.

मानवाधिकार दिनानिमित्त किमान एवढे तरी व्हावे—

कोणाच्याही नैसर्गिक हक्कावर गदा येऊ नये, अन्याय–अत्याचार, पिळवणूक, भेदभाव, जुनाट प्रथा–रुढींना पूर्णविराम मिळावा; तरच या दिवसाचे खरे सार्थक ठरेल.

—

RTI Human Rights Activist Association

मानवाधिकार जनजागृतीचा आवाज – जनतेसाठी, न्यायासाठी!

सदस्य नोंदणी लिंक :

Join Us

👉 FOLLOW US :

• Website : www.rtihumanrightsassociation.com

• Facebook Page : https://www.facebook.com/RTIHumanRightsActivistAssociation

• WhatsApp Channel : https://whatsapp.com/channel/0029VaAfrskL2AU7Eb0XOj2Q

• Facebook Group : https://www.facebook.com/groups/RTIhumanrightsAssociation

• Instagram : https://www.instagram.com/rtihumanrightsassociation

• Twitter : https://twitter.com/RTIHumanRights

• Telegram Group : https://t.me/RTIHumanrights

• Telegram Channel : https://t.me/RTIHumanrightsAssociation